Ońtústik Koreıada salynyp jatqan kópir opyrylyp tústi: qaza tapqandar bar

ASTANA. KAZINFORM – Seısenbi kúni Ońtústik Koreıanyń Chhonan qalasynda kólik magıstrali qurylysy alańynda kópir opyrylyp qulady, dep habarlaıdy Yonhap aqparat agenttigi. 

Bıliktiń habarlaýynsha, kópirdiń opyrylýy saldarynan eki jumysshy qaza taýyp, jeteýi jaraqat alǵan.

Oqıǵa jergilikti ýaqyt boıynsha tańǵy saǵat 9:50-de Seýlden ońtústikke qaraı 80 shaqyrymdaı jerde ornalasqan qalada Seýl-Sedjon kólik magıstrali ýchaskesin salý kezinde bolǵan.

Kópirdi ustap turǵan 50 metrlik bes bolat arqalyq jumysshylar kranmen tirekterdiń arasyn jyljytqan kezde birinen soń biri qulaı bastady. 

Oqıǵa kezinde zardap shekkender kópirdiń astynda bolǵan. 

Ulttyq órt sóndirý agenttiginiń habarlaýynsha, qutqarýshylarǵa adamdardy izdeýge buıryq berildi.