Ońtústik Koreıada otbasynyń 5 múshesin óltirgen adam ómir boıyna sottaldy

ASTANA. KAZINFORM – Ońtústik Koreıa soty 28 tamyzda ata-anasyn, áıelin jáne eki qyzyn óltirgen 50 jastaǵy er adamdy ómir boıyna bas bostandyǵynan aıyrý týraly úkim shyǵardy, dep habarlaıdy Yonhap News Agency.

Sot úkimine sáıkes, Lı esimdi er adam óziniń 80 jastaǵy ata-anasyn, 50 jastaǵy áıelin jáne 20 jastaǵy eki qyzyn óltirý jáne esirtkige qarsy kúres týraly zańdy buzǵandyqtan aıypty dep tanyldy. Oqıǵa 2025 jyly 14 sáýirde Iongın qalasynda bolǵan. Lı kelesi kúni qamaýǵa alyndy.

Tergeý málimetinshe, ol aldymen jábirlenýshilerge tynyshtandyratyn dáriler (trankvılızatorlar, uıyqtatatyn dáriler) berip, keıin býyndyryp óltirgen.

Lı qurylys kompanııasyn basqarǵan jáne bıznes mansabynda mıllıardtaǵan von qaryzǵa batqan. Sot hattamalaryna qaraǵanda, ol esirtkini aldyn ala daıyndap, qylmys jasaýdy josparlaǵan. Qylmys jasaý úshin qolaıly kúndi kútip, múmkindik paıda bolǵanda, josparyn júzege asyrǵan.

Prokýratýra sottan Lıdi ólim jazasyna kesýdi surap, onyń áreketin «adamgershilikke jatpaıtyn jáne áleýmettik normalarǵa qaıshy» dep sıpattady. Alaıda sot er adamdy ómir boıyna bas bostandyǵynan aıyrdy.

Eske sala keteıik, Ońtústik Koreıanyń eks-alǵashqy hanymyna sybaılas jemqorlyq boıynsha aıyp taǵyldy.