Ońtústik Koreıada orman órti saldarynan keminde 18 adam qaza tapty

ASTANA. KAZINFORM –  Ońtústik Koreıanyń ońtústik-shyǵys óńirin sharpyǵan orman órti saldarynan qaza tapqandar sany 18-ge jetti. Sondaı-aq, órt sóndirý tikushaǵynyń apatqa ushyraýy saldarynan ushqysh kóz jumdy, dep habarlaıdy Yonhap.

Órt ótken juma kúni bastalǵan. Bılik málimetinshe, qaza tapqandardyń ekeýi Andonda, úsheýi Chhonsonda, altaýy Ionıande jáne jeteýi Iondokta tabylǵan. Chhonsonda bir adam habar-osharsyz ketken.

Taǵy 10 adam zardap shekti, olardyń ekeýi aýyr jaraqat alǵan.

Sársenbi kúni prezıdent mindetin atqarýshy Han Dok Sý órttiń ári qaraı taralýyn boldyrmaý úshin barlyq múmkin sharany qabyldaýǵa shaqyrdy. Ol bul órtti el tarıhyndaǵy «eń jamany» dep atady.

— Qazirgi ýaqytta órt 17 000 gektar ormandy, sondaı-aq 209 turǵyn úı men zaýytty kúlge aınaldyrdy, — dedi Han Dok Sý.

Ótken juma kúninen beri órtpen kúreske shamamen 5 000 áskerı qyzmetker men 146 tikushaq jumyldyrylǵan.

Sondaı-aq, Yonhap agenttiginiń habarlaýynsha, sársenbi kúni iri orman órtin sóndirý kezinde bir ushqyshy bar órt sóndirý tikushaǵy apatqa ushyraǵan. 73 jastaǵy ushqysh oqıǵa ornynda kóz jumdy. Apattyń sebepteri anyqtalyp jatyr.

Aıta ketelik Ońtústik Koreıadaǵy orman órtinen tórt adam qaza taýyp, altaýy jaralanǵany týraly jazǵan edik.