Ońtústik Koreıada nóser saldarynan eki adam qaza taýyp, myńǵa jýyq turǵyn kóshirildi

ASTANA. KAZINFORM — Ońtústik Koreıanyń ortalyq aımaqtaryndaǵy qatty nóser saldarynan shamamen 1000 turǵyn qaýipsiz jerge kóshirildi, eki adam kóz jumdy, dep habarlaıdy Yonhap.

Tótenshe jaǵdaılar qyzmeti Chhýnchhon men Kengıdo provıntsııalarynyń ońtústiginde dabyl deńgeıin ekinshi deńgeıge deıin kóterdi.

Sársenbi kúni Osan qalasynda ketip bara jatqan avtokólikke tireý qabyrǵa qulap, saldarynan júrgizýshi qaza tapqan.

Sondaı-aq beısenbi kúni tańerteń Sosan qalasynda sý basqan avtokólikten er adam tabylyp, aýrýhanaǵa jetkizilgenimen, aman qalmady.

Meteorologtardyń deregi boıynsha, sársenbi keshten bastap Sosan qalasynda 344 mm jaýyn-shashyn túsken. Jergilikti ýaqyt boıynsha túngi 1:46 men 2:46 aralyǵynda bir saǵat ishinde 114,9 mm jaýyn jaýyp, bul shilde aıy úshin 1968 jyldan beri tirkelgen eń joǵary kórsetkish boldy.

Beısenbi tańyna deıin el aýmaǵynda nóserge baılanysty 26 shuǵyl eskertý taratylǵan, olardyń 25-i Chhýnchhon provıntsııasyna qatysty.

Sınoptıkterdiń boljamynsha, jaýyn senbige deıin jalǵasady.

Buǵan deıin habarlanǵandaı, Densaýlyq saqtaý organdarynyń málimetinshe, maýsym aıynan basynan beri Ońtústik Koreıada aptap ystyqtan 630-dan astam adam zardap shekti.