Ońtústik Koreıada neke sany jeti jyldyq eń joǵary deńgeıge jetti

ASTANA. KAZINFORM – Ońtústik Koreıa úkimetiniń beısenbi kúni jarııalanǵan málimetine sáıkes, 2025 jyly eldegi neke sany ótken jyldyń sáıkes kezeńimen salystyrǵanda 8,1 paıyzǵa ósti, dep habarlaıdy Kazinform.

Statıstıka mınıstrliginiń málimetinshe, ótken jyly barlyǵy 240 300 neke tirkelgen, bul – sońǵy jeti jyldaǵy eń joǵary kórsetkish, dep habarlaıdy Yonhap.

Vedomstvo ósimdi 30 jastaǵy adamdar sanynyń artýy jáne pandemııa kezinde keıinge qaldyrylǵan nekelerdiń shoǵyrlanýymen baılanystyrdy.

Budan basqa, boıdaq adamdar arasynda nekege degen oń kózqaras artyp keledi.

Ajyrasý sany 2024 jylmen salystyrǵanda 3,3 paıyzǵa tómendep, 2025 jyly 88 myńǵa jetti.

Ótken jyly elde qıylǵan nekeniń jalpy sanynyń ishinde mádenıetaralyq neke 8,6 paıyzdy qurady, bul 2024 jylmen salystyrǵanda 0,7 paıyzdyq pýnktke az.

Sheteldik áıelderdiń ishindegi eń úlken úles – vetnamdyq áıelder 30,5 paıyz, odan keıin qytaılyq áıelder – 16,1 paıyz jáne taılyq áıelderde (12,5 paıyz). 

Al sheteldik kúıeýlerdiń ishinde 28,2 paıyzy AQSh-tan, odan keıin Qytaıdan (16,6 paıyz) jáne Vetnamnan (14,8 paıyz) kelgen kúıeýler qurady. 

Osyǵan deıin «eho-býmerler» Ońtústik Koreıada týý kórsetkishiniń rekordtyq ósimine yqpal etkenin jazdyq.