Ońtústik Koreıada ıt etin jeýge tyıymsalyndy: fermalardyń 70%-y jabyldy

ASTANA. KAZINFORM — Ońtústik Koreıada ıt etin óndiretin jeti fermaǵa shaqqanda jeteýi jumysyn toqtatty. Bul elde bir jyl buryn arnaıy zań qabyldanǵannan keıin oryn aldy, dep habarlaıdy Yonhap.

Aýyl sharýashylyǵy mınıstrliginiń málimetinshe, eldegi 1 537 ıt etin óndiretin fermanyń 1 072-si (70%) 2024 jylǵy tamyzda kúshine engen zańnan keıin jabyldy. Jabylǵan fermalarda 346 myń ıt bolǵan, bul elde et úshin ósiriletin 468 myń ıttiń 74%-yn quraıdy.

Mınıstrlik 2025 jyldyń sońyna qaraı mundaı fermalardyń 75%-dan astamy jabylady dep boljap otyr. Vedomstvo ókili bul kórsetkishtiń kútkennen joǵary bolýyn qoǵamnyń ıt etin tutynýǵa tyıym salýyn «bizdiń urpaqtyń mindeti» ekenin túsinýimen jáne memlekettik yntalandyrý sharalarymen baılanystyrdy.

Arnaıy zań ıtti et úshin ósirýge, soıýǵa, taratýǵa jáne satýǵa tyıym salady. Sondaı-aq bul saladaǵy adamdarǵa mamandyq aýystyrý úshin sýbsıdııa qarastyrylǵan.

2027 jyldan bastap úsh jyldyq ótpeli kezeń aıaqtalǵan soń, zańdy buzǵandarǵa eki jylǵa deıin bas bostandyǵynan aıyrý nemese 30 mln vonǵa (shamamen 21 753 AQSh dollary) deıin aıyppul salý qarastyrylady.

Eske sala keteıik, 2024 jyly Ońtústik Koreıanyń Ulttyq jınalysy ıt etin jeýge tyıym salatyn arnaıy zań qabyldaǵan edi. Sol kezde el turǵyndarynyń 90%-y ıt etin tutynýǵa qarsy ekenin málimdegen. 

Aıta ketelik Ońtústik Koreıa soty eks-birinshi hanymdy qamaýǵa alýǵa sanktsııa bergen edi.