Segiz jastaǵy qazaqstandyq shahmatshy Ashhabadtaǵy týrnırde chempıon atandy
ASTANA. KAZINFORM - Ashhabadta (Túrikmenstan) rapıd jáne blıts boıynsha balalar arasyndaǵy halyqaralyq Kids EXPO Chess Cup 2026 týrnıri aıaqtaldy, dep habarlaıdy Informsports.kz.
Jarys 19-20 tamyz kúnderi «Kids EXPO: bári balalar úshin» halyqaralyq kórme-jármeńkesi aıasynda ótti.
Týrnırge 8, 10 jáne 12 jasqa deıingi uldar men qyzdar qatysty.
Qazaqstan quramasy sapyndaǵy eń úzdik nátıjeni Zakarııa Amırov kórsetti.
8 jasqa deıingi balalar arasynda ol rapıdten jeti múmkin upaıdyń altaýyn jınap, týrnır jeńimpazy atandy.
Zakarııa blıts saıysynda qola júldege ıe boldy.
Qazaqstan qorjynyna taǵy eki medaldi 10 jasqa deıingi qyzdar arasynda óner kórsetken Aqnıet Kúmisbaı saldy.
Ol rapıdten de, blıtsten de úshinshi oryn aldy.
Eske sala keteıik, buǵan deıin elordalyq aǵaıyndy jas shahmatshylar Azııa chempıony atandy.
