Ońtústik Koreıada aptap ystyqtan 5 adam qaza tapty

ASTANA. KAZINFORM – Densaýlyq saqtaý organdarynyń málimetinshe, maýsym aıynan basynan beri Ońtústik Koreıada aptap ystyqtan 630-dan astam adam zardap shekti, dep habarlaıdy Kazinform Yonhap agenttigine silteme jasap. 

Úkimet statıstıka júrgize bastaǵan 15 maýsymnan beri aptap ystyqtan aýyrǵandardyń sany 633-ke jetti. Onyń ishinde 5 adam kóz jumǵan. 

Ońtústik Koreıadaǵy Aýrýlardy baqylaý jáne aldyn alý basqarmasynyń málimeti boıynsha, sársenbide ǵana 100 adam medıtsınalyq kómekke júgingen.

Naýqastardyń kópshiligi, ıaǵnı 82,9%-y – ashyq aýada bolǵan kezde sımptomdardy sezingen. 

Qazirgi kezde atalǵan eldiń basym bóliginde aptap ystyqqa baılanysty eskertý jarııalandy. Kengı provıntsııasynda aýa temperatýrasy 35 gradýsty kórsetip tur. 

Eske sala keteıik, buǵan deıin Ońtústik Koreıaǵa kelgen týrıster sany bıyl 20 mıllıonnan asatynyn jazǵan edik.