Ońtústik Koreıada apatqa ushyraǵan ushaqtyń «qara jáshiginen» derekter alyndy

ASTANA. KAZINFORM – 29 jeltoqsanda Ońtústik Koreıanyń Mýan áýejaıynda Jeju Air ushaǵy apatqa ushyrady, dep habarlaıdy Kazinform tilshisi The Hankyoreh basylymyna silteme jasap. 

Оңтүстік Кореяда апатқа ұшыраған ұшақтың «қара жәшігінен» деректер алынды
Фото: Yonhap

— Ushaq kabınasyndaǵy dybys jazǵyshtan derekterdi alý aıaqtaldy. Búgin olardy dybystyq faıldarǵa túrlendirý jumystary bastaldy. Biz bul protsesti tezirek aıaqtaýdy josparlap otyrmyz, - dedi 1 qańtarda ótken brıfıngte Ońtústik Koreıa kólik mınıstrliginiń azamattyq avıatsııa departamentiniń dırektory Chjý Chon Van.

Jolaýshylar ushaǵy apatynyń egjeı-tegjeılerin anyqtaý taldaý jumystary aıaqtalǵannan keıin múmkin bolady. 

Sarapshylar sonymen qatar ózdiginen jazatyn ekinshi quraldyń zaqymdanýy onda jazylǵan derekterdiń saqtalýyna áser etpegenin anyqtady.

Eske sala ketsek, buǵan deıin Mýan halyqaralyq áýejaıynda Jeju Air ushaǵy apatqa ushyrap, 177 adam qaza tapty. 

Jeju Air ushaǵy jeksenbi kúni tańerteń ushý-qoný jolaǵynan shyǵyp ketip, Mýan halyqaralyq áýejaıyna shuǵyl qonýǵa árekettendi. Ushaq qorshaýǵa soǵylyp, aıtarlyqtaı shyǵyn keltirip, keıin órt shyǵyp, sóndirildi.

Сейчас читают