Ońtústik Koreıada apatqa ushyraǵan ushaq qozǵaltqyshtarynan qus qaýyrsyndary men qany anyqtaldy — BAQ

ASTANA. KAZINFORM – Ótken Ońtústik Koreıanyń Mýan halyqaralyq áýejaıynda bortynda 181 adamy bar jolaýshylar ushaǵy apatqa ushyrady, dep habarlaıdy Reuters. 

Taıland astanasy Bangkoktan Ońtústik Koreıanyń ońtústik-batysyndaǵy Mýan ýezine ushyp bara jatqan Boeing 737-800 ushaǵy ushyp-qoný jolaǵynan shyǵyp ketip, qorshaýmen soqtyǵysqannan keıin órtenip ketti.

Ońtústik Koreıadaǵy eń aýyr áýe apatynan ushaqtyń artqy bóligindegi eki ekıpaj múshesi ǵana aman qaldy. Bortta 181 adam, onyń ishinde alty ekıpaj múshesi bolǵan. Eki Taıland azamatyn qospaǵanda, jolaýshylardyń kópshiligi Ońtústik Koreıa azamattary boldy.

Qaıǵyly oqıǵadan tórt mınýt buryn ushqyshtardyń biri qustarmen soqtyǵysqanyn habarlady. Sodan keıin aınalyp ótýge árekettenip, ushý-qoný jolaǵynyń qarama-qarsy shetine qondy, dep habarlady Ońtústik Koreıa bıligi.

Ushqysh Mayday-ge apat belgisin bergenge deıin eki mınýt buryn dıspetcherlik munara ekıpajǵa áýejaı aımaǵynda qustardyń belsendiligi týraly eskertti.

Osy aıda tergeýshiler qozǵaltqyshtardyń birinen qus qaýyrsyndary anyqtalǵanyn aıtty. Beınejazbada qozǵaltqyshqa qustyń kirip ketkeni kórinip tur, dep qosty olar. Ońtústik Koreıanyń kólik mınıstrligi eki qozǵaltqyshta da qus qaýyrsyny men qany týraly aqparatqa túsinikteme berýden bas tartty.

Ońtústik Koreıada 179 adamnyń ómirin qıǵan Jeju Air kompanııasynyń Boeing 737 ushaǵynyń apaty ushý-qoný jolaǵynan tys jerde bolýy tıis emes beton tosqaýyldyń saldarynan bolǵan. Mundaı pikirdi brıtandyq ushý qaýipsizdigi sarapshysy Devıd Lermont bildirdi.

Koreıalyq Boeing-tyń jazý qurylǵylary apatqa 4 mınýt qalǵanda toqtap qalǵany týraly jazǵan bolatynbyz.