Ońtústik Koreıada 44 mınıstrlik Seýlden Sedjon qalasyna kóshedi
ASTANA. KAZINFORM — 2031 jylǵa qaraı Ońtústik Koreıa bıligi memlekettik basqarýdyń iri reformasy aıasynda 44 úkimettik mekemeni Seýlden Sedjon ákimshilik qalasyna kóshirýdi josparlap otyr. Bul bastama aıasynda shamamen 10 000 memlekettik qyzmetshi qonys aýdarmaq, dep habarlaıdy The Korea Times.
Sedjon qalasyna kóshiriletin mekemeler qatarynda syrtqy ister, birigý, ulttyq qorǵanys mınıstrlikteri de bar. Kósh mekemelerdiń qajettilikterin eskere otyryp, keńselerdiń daıyn bolýyna qaraı kezeń-kezeńimen júzege asyrylady.
Kelesi jyly 27 mekeme ýaqytsha jalǵa alynǵan ǵımarattarǵa kóshýdi bastaıdy. 2027 jyldyń birinshi jartysynda Jeke derekterdi qorǵaý komıssııasy men Adam quqyqtary jónindegi ulttyq komıssııa sekildi alty mekeme kóshse, 2027 jyldyń ekinshi jartysynda taǵy 19 mekeme qonys aýdarady.
Jańa Úkimet kesheniniń qurylysy aıaqtalǵannan keıin Bas prokýratýra, Ulttyq polıtsııa basqarmasy jáne Aýyr qylmystardy tergeý agenttigi sııaqty birneshe memlekettik organ kóshiriledi. Bul mekemelerge tergeý, qaýipsizdik jáne qadaǵalaý úshin bólek ǵımarattar qajet.
Memlekettik organdardy kóshirý bastamasy astanada úkimettik fýnktsııalardyń shoǵyrlanýyn azaıtýǵa jáne eldi teńgerimdi damytý maqsatynda qolǵa alynyp otyr.
Seýlden ońtústikke qaraı shamamen 110 shaqyrymda ornalasqan Sedjonǵa eń aldymen 2012 jyly premer-mınıstr keńsesi kóshirilgen bolatyn. Keıinnen qalada ondaǵan ortalyq úkimettik uıymdar ornalasty.
Buǵan deıin el premer-mınıstri Han Son Sýk «memlekettik mekemelerdi jańa syn-qaterlerge saı bolatyndaı etip reformalap jatqanyn» aıtqan bolatyn.
Seýl álemniń úzdik úsh qalasynyń biri bolmaq.
