Ońtústik Koreıada 39 myńǵa jýyq adamnyń deregi taralyp ketti
ASTANA. KAZINFORM — Ońtústik Koreıanyń Mirae Asset Securities qarjy kompanııasy hakerlik shabýyldar saldarynan 39 myńǵa jýyq adamnyń jeke deregi taralyp ketkenin habarlady, dep jazady Aju News.
Shabýyl jasaýshylar kompanııanyń eki júıesine — mobıldi avtorızatsııa qyzmeti men ishki korporatıvtik jelisine zańsyz kirgen. Saldarynan shamamen 3,8 myń klıenttiń bank shotynyń nómiri, sondaı-aq kompanııanyń qazirgi jáne burynǵy 35 255 qyzmetkeri men merdigerine qatysty málimetter jarııa bolyp ketken.
Urlanǵan aqparattyń ishinde qyzmetkerlerdiń aty-jóni, telefon nómirleri, elektrondyq poshta mekenjaılary, qyzmettik ıdentıfıkatorlary men shıfrlanǵan qupııasózderi bar.
Kompanııa ókilderi klıentterdiń bank shotynyń nómirlerinen basqa jeke derekteri taralmaǵanyn atap ótti.
Sońǵy eki apta ishinde Mirae Asset Securities kompanııasy Mirae Asset tobyndaǵy kıbershabýyldarǵa ushyraǵan tórtinshi kompanııa boldy.
Oqıǵadan keıin klıentterge alaıaqtardyń qarjy uıymynyń qyzmetkeri retinde habarlasyp, jalǵan qońyraýlar shalýy nemese habarlama jiberýi múmkin ekeni eskertildi.
Eske sala keteıik, buǵan deıin Ońtústik Koreıada 470 myńnan astam derek jelige tarap ketti. Elde bankterge tekseris bastaldy.
