Ońtústik Koreıada 167 jolaýshysy bar ushaq túgeldeı janyp ketti
ASTANA. KAZINFORM — Ońtústik Koreıada 170-ten asa adam mingen ushaq túgeldeı órtenip ketti. Bul týraly 24kz jazdy.
Abyroı bolǵanda, jolaýshylar men ekıpaj músheleri der kezinde evakýatsııalanyp, bári aman qalǵan. Oqıǵa Pýsan qalasynyń áýejaıynda bolǵan. Gonkongqa bet alǵan laıner týra ushar aldynda órtengen. Ottyń neden tutanǵany belgisiz.
Aıta keteıik, bir aı buryn Ońtústik Koreıanyń Mýan qalasynyń áýejaıynda dóńgelegi ashylmaı qonǵan ushaq beton qorshaýǵa soǵylǵannan keıin birden jarylyp, órtengen edi. Saldarynan 181 adamnyń tek ekeýi ǵana tiri qaldy. Aldyn ala málimet boıynsha apatqa ushaqtyń qustarmen soqtyǵysýy sebep.
Eske sala keteıik, buǵan deıin Ońtústik Koreıada apatqa ushyraǵan ushaq qozǵaltqyshtarynan qus qaýyrsyndary men qany anyqtalǵanyn jazǵan bolatynbyz.