Ońtústik Koreıa joıǵysh ushaqtardy jappaı óndire bastady
ASTANA. KAZINFORM – Ońtústik Koreıa óziniń otandyq óndirisindegi KF-21 joıǵysh ushaǵynyń alǵashqy serııalyq danasyn tanystyrdy, dep habarlaıdy Yonhap aqparat agenttigi.
Ońtústik Koreıa prezıdenti Lı Chje Men alǵashqy joıǵysh ushaqtardy tapsyrý rásiminde joǵary tehnologııalyq avıatsııany damytýǵa ınvestıtsııalardy kóbeıtýge jáne eldi álemdegi jetekshi tórt qorǵanys derjavasynyń birine aınaldyrýǵa ýáde berdi.
- Ońtústik Koreıa aqyry qurlyq jáne teńizde ǵana emes, sonymen qatar áýede beıbitshilikti qorǵaý úshin óz tehnologııalaryn paıdalanyp qarý jasap shyǵardy, - dep málimdedi ol.
El 2015 jyly eskirgen amerıkalyq F-4 jáne F-5 joıǵysh ushaqtarynyń ornyna otandyq dybystan jyldam joıǵysh ushaq satyp alý maqsatynda KF-21 ázirleý baǵdarlamasyn iske qosty.
- Óz tehnologııalarymyzdy paıdalanyp jasalǵan jáne óz qolymyzben qurastyrylǵan KF-21 joıǵysh ushaqtary aqyry paıdlanaýǵa berilip jatyr. Bul joıǵysh ushaq biz jarty ǵasyrdan astam ýaqyt boıy armandaǵan ózin-ózi qamtamasyz etetin qorǵanysqa degen asyl umtylystardy beıneleıdi. KF-21 joıǵysh ushaǵynyń tabysy bizdiń qorǵanys qabiletimizdi nyǵaıtyp qana qoımaı, sonymen qatar Ońtústik Koreıaǵa álemdegi jetekshi qorǵanys derjavalarymen básekelesýge jańa serpin beredi, - dep qosty prezıdent.
Lı Chje Men eldiń qorǵanys ónerkásibiniń básekege qabilettiligin odan ári nyǵaıtý úshin Ońtústik Koreıanyń qarý-jaraq júıeleri men ázirleý salasyndaǵy tájirıbesin seriktes eldermen bólisýge ýáde berdi.
Seýl qazirgi ýaqytta Indonezııaǵa 16 KF-21 joıǵysh ushaǵyn eksporttaý týraly kelisimge qol qoıýdy josparlap otyr, bul eldiń otandyq óndiristegi joıǵysh ushaqtardy alǵashqy sheteldik satýy bolmaq.
Osyǵan Ońtústik Koreıa álemde qarý-jaraq eksporty boıynsha tórtinshi orynǵa shyǵýdy kózdep otyrǵanyn jazǵan bolatynbyz.
