Ońtústik Koreıa Japon teńizine qaraı birneshe ballıstıkalyq zymyran ushyrdy
ASTANA. KAZINFORM — Ońtústik Koreıanyń Qarýly kúshteri Soltústik Koreıanyń Japon teńizine qaraı birneshe ballıstıkalyq zymyran ushyrǵanyn tirkedi, dep habarlaıdy Kazinform Yonhap agenttigine silteme jasap.
Ońtústik Koreıa Birikken shtabtar komıtetiniń málimetinshe, zymyrandar Phenıan mańynan tańǵy saǵat 9:20 shamasynda ushyrylǵan. Olardyń biri 900 shaqyrymnan astam qashyqtyqty eńsergen.
Soltústik Koreıa buǵan deıin 3 qazanda Vonsan qalasy mańynan Japon teńizi baǵytynda ballıstıkalyq zymyran ushyrǵan edi.
Kelesi kúni Soltústik Koreıanyń memlekettik BAQ-tary Phenıannyń strategııalyq maqsattaǵy orta qashyqtyqqa ushatyn zymyrandy synaqtan ótkizgenin habarlady. Synaq «gıperdybystyq strategııalyq qarý júıesimen» jabdyqtalǵan zymyran bólimsheleriniń jaýyngerlik ázirligin pysyqtaý maqsatynda júrgizilgen.
Bul synaq Ońtústik Koreıanyń beısenbi kúni gıperdybystyq syrǵý apparatyn (HGV) alǵash ret synaǵan soń birneshe kúnnen keıin júzege asty.
Buǵan deıin Seýl Soltústik Koreıanyń belgisiz snarıadtar ushyrǵanyn habarlaǵanyn jazǵan edik.
