Ońtústik Koreıa Japon teńizinde ǵylymı-zertteý stantsııasyn saldy
ASTANA. KAZINFORM – Ońtústik Koreıa Japon teńizinde ǵylymı-zertteý nysanynyń qurylysyn aıaqtady, dep habarlaıdy Yonhap agenttigi.
Koreıanyń teńiz ǵylymy men tehnologııalary ınstıtýtynyń (KIOST) málimetinshe, «Vandolchho» stantsııasy Hýpo portty qalasynan shyǵysqa qaraı shamamen 25 shaqyrym jerde ornalasqan.
Ol eldegi tórtinshi teńiz baqylaý nysanyna aınaldy. Sonymen qatar mundaı nysan alǵash ret tikeleı Japon teńizinde salyndy.
Nysannyń bıiktigi 53 metrdi quraıdy. Qurylys quny shamamen 24 mıllıard vonǵa (15,8 mıllıon AQSh dollary) baǵalanǵan.
Stantsııa teńiz derekteri men meteorologııalyq jaǵdaıdy naqty ýaqyt rejıminde baqylaýǵa arnalǵan.
Eske sala ketsek, buǵan deıin Qytaı teńiz sýynan ýran men sırek mıneraldar óndirýdi josparlap otyrǵanyn jazdyq.
