Ońtústik Koreıa týrısteri Japonııaǵa jıi bara bastady
ASTANA. KAZINFORM — Qazan aıynda Japonııaǵa shamamen 3,91 mıllıon sheteldik týrıst barǵan. Bul — bir aıdaǵy rekordtyq kórsetkish. Bul týraly Kyodo jazdy.
Japonııanyń ulttyq týrıstik uıymynyń málimetinshe, Qytaıdan keletin týrıster sany azaıǵan. Soǵan qaramastan, Azııanyń basqa elderinen, sondaı-aq Eýropa men Soltústik Amerıkadan Japonııaǵa barýǵa qyzyǵýshylyq joǵary.
Qazan aıy Japonııaǵa saıahattaýǵa qolaıly kezeńderdiń biri bolyp esepteledi. Sebebi osy ýaqytta elde kúzgi japyraqtar qyzyl-sary túske boıala bastalady.
Buǵan qosa, sheteldegi uzaq demalys kúnderi men mektep kanıkýldary da týrıster sanynyń artýyna áser etken. Sonyń nátıjesinde Japonııaǵa birqatar elden kelýshiler kóbeıgen.
Ońtústik Koreıa azamattary úshin Japonııa eń tanymal týrıstik baǵytqa aınalǵan. Qazan aıynda bul elden Japonııaǵa shamamen 1,04 mıllıon adam barǵan. Bul ótken jyldyń sáıkes kezeńimen salystyrǵanda 19,4 paıyzǵa kóp.
Eske salaıyq, buǵan deıin Qazaqstanǵa toǵyz aıda Koreıa Respýblıkasynan 50 myńnan astam týrıst kelgenin jazyp edik.