Ońtústik Koreıa «Temir kúmbez» analogyn ázirleý ústinde

ASTANA. KAZINFORM – El úkimeti atalǵan qurylǵynyń qurylysyna 329 mln dollar bólýdi josparlap otyr, dep habarlaıdy Yonhap aqparat agenttigi.

Ońtústik Koreıa dúısenbi kúni Soltústik Koreıadan keletin artıllerııalyq qaýipterge qarsy qorǵanysty kúsheıtý úshin Izraıldiń «Temir kúmbezine» uqsas óziniń zymyranǵa qarsy qorǵanys júıesin ázirleýdi resmı túrde bastady.

El úkimeti 2028 jylǵa qaraı tómen bıiktiktegi zymyranǵa qarsy qorǵanys júıesin (Low-Altitude Missile Defense, LAMD) damytýǵa 479,8 mlrd von (329 mln dollar) bólýdi josparlap otyr.

Ońtústik Koreıa Seýldegi áýe qorǵanysyn kúsheıtýge umtylý ústinde, óıtkeni Soltústik Koreıada eldiń 51 mln halqynyń jartysy turatyn el astanasy aımaǵynyń aýqymynda uzaq qashyqtyqqa atylatyn kóptegen artıllerııalyq qondyrǵy bar.

Ońtústik Koreıanyń qorǵanystyq satyp alý baǵdarlamasynyń basqarmasynyń (DAPA) málimdeýinshe, bul júıe negizgi áskerı nysandardy Soltústik Koreıanyń artıllerııalyq qaýip-qaterinen qorǵaýǵa kómektesedi.

Jobaǵa qorǵanysty damytý memlekettik agenttigi men LIG Nex1 Co., Hanwha Aerospace Co. jáne Hanwha Systems Co. sııaqty qorǵanys kompanııalary qatysady, dep habarlady DAPA.

Eske sala ketsek, 14 qańtarda Soltústik Koreıa Japon teńizine qaraı birneshe ballıstıkalyq zymyran ushyrdy.

Sondaı-aq 6 qańtarda KHDR Japon teńizine qaraı (boljam boıynsha) ballıstıkalyq zymyran ushyrdy.