Ońtústik Koreıa soty burynǵy birinshi hanym isiniń úkimin keıinge qaldyrdy
ASTANA. KAZINFORM – Ońtústik Koreıanyń Joǵarǵy soty burynǵy birinshi hanym Kım Gon Hıdiń sybaılas jemqorlyqqa qatysty isi boıynsha úkim shyǵarý otyrysyn keıinge qaldyrdy. Іs tolyq quramdaǵy sot alqasynyń qaraýyna jiberildi, dep habarlaıdy Yonhap agenttigi.
Buǵan deıin sottyń ekinshi alqasy isti juma kúni saǵat 14:00-de qaraýdy josparlaǵan bolatyn. Alaıda jańa otyrystyń ótetin kúni ázirge jarııalanǵan joq.
Іs burynǵy prezıdent ıÝn Sok Eldiń jubaıy Kım Gon Hıdiń aktsııa baǵasyn qoldan kóterý shemasyna qatysy bar degen kúdikke, Birigý shirkeýinen qymbat syılyqtar aldy degen aıypqa jáne ózin yqpaldy deldal retinde tanystyrǵan tulǵadan qoǵamdyq pikir saýalnamalarynyń nátıjelerin tegin aldy degen aıyptaýlarǵa qatysty.
Іstiń tolyq quramdaǵy sotqa berilýine tómengi satydaǵy sottardyń qoǵamdyq pikir saýalnamalaryna qatysty ártúrli sheshimderi sebep bolǵan bolýy múmkin. Bul epızod boıynsha Kım Gon Hı aqtalǵanymen, onyń jubaıy ıÝn Sok El ishinara kináli dep tanylǵan.
Bólek is boıynsha Seýl meri O Se Hýn da sársenbi kúni ózin yqpaldy deldal retinde tanystyrǵan Men The Gıýnnen qoǵamdyq pikir saýalnamalarynyń nátıjelerin tegin aldy jáne olardyń aqysyn jaqtastarynyń biri tólegen degen aıyp boıynsha kináli dep tanyldy.
Joǵarǵy sottyń tolyq quramdaǵy qaraýyna is, ádette, tórt sýdıadan turatyn alqanyń sheshimi jetkiliksiz dep tanylǵanda nemese sýdıalar arasynda pikir qaıshylyǵy bolǵan jaǵdaıda jiberiledi.
Ótken aptada da sot otyrysy bir ret keıinge shegerilgen edi. Buǵan Kım Gon Hıge aıyp taqqan arnaıy prokýrorlar tobynyń qosymsha materıaldar usyný úshin ýaqyt suraýy sebep boldy. Buǵan deıin Kım Gon Hıdiń arnaıy prokýrorlar tobyna kelýin keıinge qaldyrǵany habarlanǵan.
Eske sala ketsek, Ońtústik Koreıanyń burynǵy prezıdenti ıÝn Sok El taǵy eki jylǵa bas bostandyǵynan aıyrylǵan edi. Onyń aldynda oǵan 30 jylǵa bas bostandyǵynan aıyrý úkimi shyǵarylǵan.
