Ońtústik Koreıa Soltústik Koreıamen shekarada qaýipsizdik rejımin jeńildetedi
ASTANA. KAZINFORM – Ońtústik Koreıanyń Qorǵanys mınıstrligi beıbit turǵyndardyń kirýin qamtamasyz etý maqsatynda Soltústik Koreıamen shekara boıyndaǵy býferlik aımaqtaǵy shekteýlerdi jeńildetý josparyn usyndy, dep habarlaıdy Yonhap agenttigi.
Qujatqa sáıkes, áskerı demarkatsııa syzyǵynan azamattyq baqylaý syzyǵyna deıingi qashyqtyq qazirgi 10 shaqyrymnan shamamen 6 shaqyrymǵa deıin qysqarady.
Azamattyq baqylaý syzyǵy Koreıa soǵysynan keıin (1950-1953) koreıaaralyq shekara boıyndaǵy qoǵamdyq qoljetimdilikti shekteý jáne áskerı nysandardy qorǵaý úshin quryldy.
Alaıda bul óz jerlerin ıgergisi keletin jergilikti turǵyndar úshin kedergige aınalyp, olardyń kúndelikti ómirinde qolaısyzdyqtar týdyrdy.
Josparǵa sáıkes, buryn baqylanatyn qaýipsizdik aımaǵy retinde jiktelgen aýmaq shekteýli qaýipsizdik aımaǵy bolyp ózgertiledi. Bul tıisti organdardan ruqsat alǵannan keıin jer ýchaskelerinde qurylys jumystaryn júrgizýge múmkindik beredi.
Usynylǵan sharalar Qorǵanys mınıstrligi, Shtab bastyqtarynyń birikken komıteti jáne jergilikti bılik organdarynyń birqatar sholýynan keıin kezeń-kezeńimen aıaqtalyp, júzege asyrylady.
Azamattyq tulǵalardyń jekemenshik ómirge qaýip tóndiretin nysandarǵa kirýin maquldaý protsesin jeńildetý úshin úkimet 2027 jyly mobıldi qosymshalar men aýtentıfıkatsııa júıesin engizýdi josparlap otyr.
Aıta keteıik, Ońtústik Koreıa Japon teńizinde ǵylymı-zertteý stantsııasyn saldy.
