Ońtústik Koreıa sheteldikter úshin elektrondy karta júıesin engizdi

ASTANA.KAZINFORM - 24 aqpannan bastap Ońtústik Koreıaǵa baratyn sheteldikter kóshi-qon kartasyn elge kirýge úsh kún qalǵanda onlaın toltyra alady, dep jazady Yonhap.

Bul týraly Ońtústik Koreıanyń Ádilet mınıstrligi habarlady. 

E-Arrival kartasy (elektrondyq kelý kartasy/kóshi-qon kartasy) dep atalatyn jańa elektrondy karta tekserý ýaqytyn qysqartady jáne áýejaılardaǵy keptelisti jeńildetedi. Bul bir jaǵy týrısterdi tartýǵa kómektesedi, dep atap ótti departament.

Buǵan deıin Ońtústik Koreıaǵa qysqa merzimdi saparlarmen, sonyń ishinde týrızmmen kelgen sheteldikter áýejaıda qaǵaz túrindegi ımmıgratsııalyq kartalardy qolmen toltyrýy qajet bolatyn.

Mınıstrlik shatystyrmaý úshin qaǵaz júıesin jańa elektrondy júıemen birge jyldyń sońyna deıin saqtaýdy josparlap otyr.

Eske salsaq Ońtústik Koreıadaǵy 5 zaýyt 76 myńǵa jýyq kóligin keri qaıtaryp alatynyn jazǵan edik.