Ońtústik Koreıa sheteldik úı qyzmetkerleri esebinen týý sanyn arttyrmaqshy

ASTANA. KAZINFORM - Ońtústik Koreıa sheteldik úı qyzmetkerleri esebinen bala týýdy arttyrýǵa nıetti, dep jazady Financial Times.

Pılottyq joba boıynsha 100-ge jýyq fılıppındik azamat Seýlge kelip, úı sharýasymen aınalysady.

Bılik koreı áıelderine túsetin salmaqty azaıtyp, olar balaly bola bastaıdy dep josparlaıdy. Eger joba tıimdi bolyp shyqsa, 2025 jyldyń ortasyna qaraı Ońtústik Koreıaǵa taǵy 1200 adam keledi, dep jazady basylym.

Ońtústik Koreıadaǵy týý deńgeıiniń tómen bolýyna baılanysty 2044 jylǵa qaraı ekonomıkalyq belsendi halyq sany shamamen 10 mıllıon adamǵa azaıatyny týraly buryn habarlanǵan. Ońtústik Koreıa prezıdenti ıÝn Sok El jańa agenttik qurý arqyly eldegi týý deńgeıiniń tómendigimen kúresý strategııasyn qaıta qarastyratynyn aıtty.