Ońtústik Koreıa prezıdentiniń mindetin atqarýshy saılaýdy ádil ótkizýge ýáde berdi

ASTANA. KAZINFORM — Koreıa Prezıdentiniń mindetin atqarýshy premer-mınıstr Han Dok Sý jańa memleket basshysynyń kezekten tys saılaýyn «ádil jáne adal» ótýin qamtamasyz etýge nıetti, dep habarlaıdy TASS.

 — 60 kún ishinde ótetin kelesi prezıdenttik saılaý ádil jáne adal bolýy kerek, — dedi premer-mınıstr kabınet múshelerimen kezdesýde.

Ol memlekettik organdardy saıası turǵyda beıtarap bolýǵa shaqyrdy.

— Men kelesi úkimet zań men konstıtýtsııaǵa sáıkes jumysty ýaqtyly bastaýy úshin kezekti prezıdenttik saılaýdy ótkizýge bar kúshimdi salamyn. Prezıdenttiń mindetin atqarýshy retinde men ulttyq qaýipsizdik pen halyqaralyq qatynastardaǵy qysymdy boldyrmaý maqsatynda qaýipsizdik salasynda tolyq daıyndyqty qamtamasyz etemin, — dedi Han Dok Sý halyqqa jarııalaǵan úndeýinde.

Sonymen qatar, Han Dok Sý otandastaryna AQSh-pen saýda kelispeýshilikteri sııaqty «qazirgi problemalarǵa» kelisilgen túrde jaýap berýge, sondaı-aq qoǵamdyq tártipti saqtaýǵa ýáde berdi.

Osyǵan deıin búgin Ońtústik Koreıanyń Konstıtýtsııalyq soty prezıdent ıÝn Sok Elǵa ımpıchment jarııalaý isi boıynsha sheshim shyǵarǵanyn jazǵan edik.