Ońtústik Koreıa prezıdentiniń ımpıchmentinen keıin Seýlde mıtıng ótip jatyr

ASTANA. KAZINFORM — Ońtústik Koreıa prezıdentiniń jaqtastary onyń ımpıchmentinen keıin Seýlde mıtıng uıymdastyrdy, dep habarlaıdy Yonhap.

Ońtústik Koreıanyń burynǵy prezıdenti ıÝn Sok Eldiń jaqtastary senbide Seýldiń ortalyǵyndaǵy Kvanhvamýn aýdanynda mıtıngke shyqty. Osylaısha myńdaǵan adamnan quralǵan konservatıvti top Konstıtýtsııalyq sottyń prezıdentti qyzmetinen alyp tastaý týraly sheshimine narazylyq bildirmek boldy.

Narazylyq bildirýshiler «Impıchment — bul alaıaqtyq» dep urandatyp, Konstıtýtsııalyq sotty taratýdy talap etip, «memleketke qarsy kúshterdi joıýǵa» shaqyrdy.

Qatysýshylardyń biri Ońtústik Koreıa halqy ıÝn Sok El prezıdent qyzmetinen bosatylǵannan keıin 60 kún ishinde ótetin kezekten tys saılaýǵa boıkot jarııalaýy kerek dep esepteıdi.

Jergilikti polıtsııanyń málimetinshe, senbidegi narazylyq mıtıngisine 18000-ǵa jýyq adam qatysqan.

Eske salsaq, 4 sáýirde Ońtústik Koreıanyń Konstıtýtsııalyq soty prezıdent ıÝn Sok Elǵa ımpıchment jarııalaý isi boıynsha sheshim shyǵarǵany belgili boldy.

Buǵan deıin ıÝn Sok El áleýmettik jelide óz qolymen jazǵan málimdemesin jarııalady.