Ońtústik Koreıa prezıdentine qatysty qamaýǵa alý sheshimi sot arqyly kúshin joıdy

ASTANA. KAZINFORM —  Juma kúni sot qyzmetinen shettetilgen prezıdent ıÝn Sok Eldi qamaýdan bosatý týraly sheshim shyǵardy, dep habarlaıdy Yonhap. 

2025 jyldyń 15 qańtarynda tergeýshiler ıÝn Sok Eldi 3 jeltoqsanda áskerı jaǵdaı engizýine baılanysty búlikke shaqyrdy degen aıyppen qamaýǵa aldy.

Seýldiń Ortalyq aýdandyq soty bul sheshimdi ıÝnnyń advokattary qamaýǵa alý sheshimin joıý týraly ótinish bergennen keıin, shamamen bir aıdan soń shyǵardy.

Advokattardyń aıtýynsha, ıÝnǵa taǵylǵan aıyp zańsyz bolǵan, óıtkeni prokýratýra ony 26 qańtarda resmı túrde jarııalaǵan, ıaǵnı ony ustaý merzimi aıaqtalǵannan keıin bir kún ótken soń.

Prokýratýra aıyptyń zańdy merzimde taǵylǵanyn alǵa tartty. Olardyń aıtýynsha, Qylmystyq-protsessýaldyq kodeks boıynsha bul merzim kúnder boıynsha eseptelýi tıis, al ıÝnnyń advokattary saǵat jáne mınýt boıynsha esepteý kerek dep talap etken.

Sot bul daýǵa qatysty sheshim shyǵaryp, qamaýda ustaý merzimi saǵatpen eseptelýi kerek ekenin túsindirdi.

Buǵan deıin biz Ońtústik Koreıadaǵy saıası daǵdarystyń astarly tustary jaıly jazǵan edik. ıÝn Sok Elge qatysty sot protsesin soza berý Ońtústik Koreıanyń saıası júıesine tıimsiz. Degenmen, el demokratııasyna tán barlyq rásimderdi tolyq saqtaý mańyzdy bolyp qala beredi.

Aıta ketelik Ońtústik Koreıa soty ıÝn Sok El ımpıchmenti boıynsha sońǵy tyńdaý ótkizgen edi.