Ońtústik Koreıa prezıdentin ustaý kezinde tergeýshiler men qaýipsizdik qyzmeti qarsylasty
ASTANA. KAZINFORM – Memlekettik sybaılas jemqorlyqqa qarsy agenttik ıÝn Sok Eldi ustaý áreketin prezıdenttiń qaýipsizdik qyzmeti men tergeýshiler arasyndaǵy birneshe saǵatqa sozylǵan qarsylyqtan keıin ýaqytsha toqtatty, dep habarlaıdy Kazinform Yonhap News Agency-ge silteme jasap.

Joǵary laýazymdy tulǵalardyń sybaılas jemqorlyq isterin tergeý basqarmasy (CIO) tergeýshileriniń prezıdent rezıdentsııasyna ıÝn Sok Eldi ustaý úshin barǵanynan keıin bes saǵat ótken soń, saǵat 13:30-da orderdi oryndaýdy toqtatqanyn málimdedi.
— Orderdi oryndaý jalǵasyp jatqan qarsylyqqa baılanysty is júzinde múmkin emes dep sheshtik jáne qyzmetkerlerdiń qaýipsizdigine alańdaýshylyq sebepti ony toqtattyq, – dep málimdedi CIO baspasózge arnalǵan habarlamasynda.
CIO ókilderi tekserý júrgizilgen soń, kelesi qadamdar týraly sheshim qabyldaıtynyn aıtty.
— Biz zańmen belgilengen rásimderdi oryndaýdan bas tartqan kúdiktiniń áreketine baılanysty tereń ókinish bildiremiz, — dep tolyqtyrdy vedomstvo.
Buǵan deıin habarlanǵandaı, qyzmetinen shettetilgen Ońtústik Koreıa prezıdenti ıÝn Sok Eldiń rezıdentsııasyna kelgen tergeýshiler ony ustaý barysynda áskerı qyzmetshilerdiń qarsylyǵyna tap boldy.
Ustaý sharasy sottyń buryn shyǵarǵan orderi negizinde júrgizilýde.
Eske salsaq, 14 jeltoqsanda Ońtústik Koreıa parlamentiniń 300 múshesiniń 204-i ıÝn Sok Eldi prezıdenttik qyzmetinen shettetýge daýys bergen bolatyn. Bul sheshim elde onyń áskerı jaǵdaı engizýine baılanysty qabyldanǵan.