Ońtústik Koreıa prezıdenti Phenıanmen qarym-qatynasty qalpyna keltirýge nıetti

ASTANA. KAZINFORM — Ońtústik Koreıa prezıdenti Lı Chje Men Phenıanmen buzylǵan qarym-qatynastty qalpyna keltirý qajettigin taǵy da kóterdi, dep jazdy Anadoly.

Yonhap agenttiginiń habarlaýynsha, Lı prezıdenttik qyzmetine kiriskennen keıin alǵash ret Ulttyq qaýipsizdik keńesiniń otyrysyn basqardy.

Otyrys barysynda ol Soltústik Koreıamen baılanystardy qalpyna keltirý jónindegi óz úndeýin qaıtalap:

— Koreıaralyq beıbitshilik — bul ulttyq qaýipsizdigimizdi qamtamasyz etýdiń eń shynaıy ári pragmatıkalyq joly, — dedi.

Prezıdent sondaı-aq jahandyq tártiptiń ózgerýi, Ońtústik Koreıadaǵy saıası ahýal jáne Soltústik Koreıamen baılanysty faktorlar syndy máselelerdi keń aýqymda talqylaý qajettigin atap ótti. Onyń aıtýynsha, bul eldiń ulttyq qaýipsizdigine tónetin qaýip-qaterlerdiń aldyn alýǵa septigin tıgizedi.

Lı Chje Men qyzmetine kiriskennen keıin Koreı túbeginde beıbitshilik pen qatar ómir súrýdi qamtamasyz etý úshin Soltústikpen dıalog ornatýǵa umtylatynyn aıtty. Ol Soltústik Koreıamen «turaqty jáne uzaq merzimdi qarym-qatynastar» ornatý qajettigin erekshe atap ótti.

Eske sala keteıik, buǵan deıin Ońtústik Koreıanyń burynǵy prezıdenti qaıtadan qamaýǵa alynǵanyn jazǵan edik.