Ońtústik Koreıa prezıdenti partııasynyń basshysy otstavkaǵa ketti
ASTANA. KAZINFORM – «Azamattyq kúsh» tóraǵasy Han Don Hýn Ońtústik Koreıada áskerı jaǵdaıdyń engizilýinen zardap shekkenderden keshirim surady, dep habarlaıdy Kazinform DW aqparat agenttigine silteme jasap.
Ońtústik Koreıa prezıdenti ıÝn Sok Elǵa ımpıchment jarııalanǵan tusta «Azamattyq kúsh» partııasynyń tóraǵasy Han Don Hýn otstavkaǵa ketýge ótinish bildirdi. Quramynda bılikten qýylǵan prezıdentti ashyq qoldaıtyn fraktsııa bar partııa tóraǵasy bul sheshimin 16 jeltoqsan, dúısenbi kúni Seýlde ótken baspasóz máslıhatynda málim etti.
Hannyń aıtýynsha, ol «joǵarǵy keńestiń is júzinde ydyraýyna» baılanysty budan bylaı partııa jetekshisi qyzmetin atqara almaıdy. Onyń músheleri de buryn otstavkaǵa ketetinin jarııalaǵan, dep habarlady ońtústik koreıalyq KBS World medıa kompanııasy. Sondaı-aq saıasatker ıÝn Sok Eldyń jeltoqsan aıynyń basynda Ońtústik Koreıada áskerı jaǵdaı engizý týraly sheshiminen «zardap shekken» el azamattarynan keshirim surady.
«Azamattyq kúsh» quramyna úsh fraktsııa kiredi, olar basqalarymen qatar ıÝn Sok Elmen qarym-qatynasymen erekshelenedi. Shartty túrde olardy blokqa barynsha yqpal etetin prezıdentti jaqtaıtyn, beıtarap fraktsııa jáne ıÝndy synaýǵa ruqsat bergen. Biraq onyń jaqtastarymen bir blokta bolýyn jalǵastyrǵan fraktsııa dep bólýge bolady. Sońǵy fraktsııany Han Don Hýn basqardy, ol buǵan deıin ıÝnnyń otstavkaǵa ketýin talap etken.
Endi «Azamattyq kúsh» tóraǵasynyń mindetterin jańa basshysy taǵaıyndalǵansha ıÝndy ashyq jaqtaıtyndar qataryna kiretin Kvon Son Don basqaratyn bolady.
Buǵan deıin Ońtústik Koreıa prezıdentiniń taǵdyryn Konstıtýtsııalyq sot sheshetinin jazǵan bolatynbyz.
Buǵan deıin Ońtústik Koreıanyń Ulttyq assambleıasy ótken aptada áskerı jaǵdaı engizý áreketine qatysty ıÝn Sok El men jeti sheneýnikti tez arada qamaýǵa alýdy talap etetin qarar qabyldady.
Sondaı-aq Ońtústik Koreıa parlamenti prezıdent ıÝn Sok Elǵa qatysty aıyptaýlardy tekserý úshin arnaıy prokýror taǵaıyndaý týraly zań jobasyn qabyldady.
Buǵan deıin Ońtústik Koreıa prezıdentine saparǵa shyǵýǵa tyıym salyndy. Elden shyǵýǵa tyıym salý ıÝn Sok El jarııalaǵan áskerı jaǵdaıǵa baılanysty tergeý amaldary úshin qajet boldy.