Ońtústik Koreıa prezıdenti búlik shyǵardy degen aıyppen kelispeıdi

ASTANA. KAZINFORM – Ońtústik Koreıa prezıdenti ıÝn Sok El jańa teleúndeý jasap, onda ótken aptada áskerı jaǵdaı engizý durys sheshim bolǵanyn aıtyp, búlik shyǵardy degen aıyptardy joqqa shyǵardy, dep habarlaıdy VVS. 

Uzaq sóz sóılegen ıÝn bul sheshimge qatysty óz oıyn aıtyp, prezıdenttik ókilettigin oppozıtsııaǵa qarsy «ultty qorǵaý jáne memleket isterin qalypqa keltirý úshin» áskerı jaǵdaı jarııalaý úshin paıdalanǵanyn eske saldy. Bul áreketin «tereń saıası sheshim» dep atady.

Ol sondaı-aq otstavkaǵa ketý týraly úndeýlerdi qabyldamaı, oppozıtsııany «ımpıchmentterdi teris paıdalandy» dep aıyptap, sońyna deıin kúresýge ant berdi.

— Maǵan ımpıchment jarııalana ma, nemese tergelemin be, men oǵan adal túrde qarsy turamyn, — dep keltirdi Yonhap agenttigi onyń sózin.

Prezıdent sóz sóıler aldynda bıliktegi «Halyq bıligi» partııasynyń jetekshisi Han Don Hýn ımpıchmentti qoldaıtynyn aıtty, al buryn oǵan qarsy bolatyn. Demalys kúnderi parlament ıÝnǵa ımpıchment jarııalaı almaǵany bıleýshi partııanyń ustanymyna baılanysty boldy. Kelesi daýys berý senbi kúni ótedi.

Buǵan deıin Ońtústik Koreıanyń Ulttyq assambleıasy ótken aptada áskerı jaǵdaı engizý áreketine qatysty ıÝn Sok El men jeti sheneýnikti tez arada qamaýǵa alýdy talap etetin qarar qabyldady. 

Sondaı-aq Ońtústik Koreıa parlamenti prezıdent ıÝn Sok Elǵa qatysty aıyptaýlardy tekserý úshin arnaıy prokýror taǵaıyndaý týraly zań jobasyn qabyldady. 

Buǵan deıin Ońtústik Koreıa prezıdentine saparǵa shyǵýǵa tyıym salyndy. Elden shyǵýǵa tyıym salý ıÝn Sok El jarııalaǵan áskerı jaǵdaıǵa baılanysty tergeý amaldary úshin qajet boldy. 

Eske sala ketsek, Ońtústik Koreıanyń prokýratýrasy prezıdentke qarsy memleketke opasyzdyq jasady degen aıyp taǵyp otyr. Ońtústik Koreıanyń burynǵy qorǵanys mınıstri de memleketke opasyzdyq jasady degen aıyppen qamaýǵa alyndy. 

Sonymen qatar, Ulttyq jınalys plenarlyq otyrysta Prezıdentke ımpıchment jarııalaý týraly usynysqa daýys saldy. Bıliktegi «Halyqtyq bılik» partııasynyń (HBP) úsh zań shyǵarýshysynan basqasy ımpıchment týraly usynysqa daýys berýge boıkot jarııalady. 

Burynǵy qorǵanys mınıstri Kım En Hen prezıdent ıÝn Sok Elǵa ótken aptada áskerı jaǵdaı engizý arqyly búlik shyǵarýǵa kómektesti degen aıyppen cársenbide resmı túrde qamaýǵa alyndy.