Ońtústik Koreıa polıtsııasy prezıdenttiń ımpıchment boıynsha úkim jarııalanar aldynda qaýipsizdikti kúsheıtti
ASTANA.KAZINFORM - Beısenbi kúni Ońtústik Koreıa polıtsııasy óz kúshterin daıyndyqtyń ekinshi deńgeıine kóshirdi, dep habarlaıdy Yonhap.

Polıtsııa Konstıtýtsııalyq sot prezıdent ıÝn Sok Elge áskerı jaǵdaı engizý áreketine qatysty ımpıchment isi boıynsha sheshim shyǵarar aldynda bir kún buryn qaýipsizdik sharalaryn kúsheıtti.
«Ylho» deńgeıi barlyq qoljetimdi polıtsııa kúshteriniń jartysyn tótenshe jaǵdaıǵa daıyn bolýyn qamtamasyz etedi, al barlyq kúshterdi iske qosatyn «Kapho» deńgeıi jumaǵa josparlanǵan.
Buǵan deıin polıtsııa 150 metr radıýstaǵy aýmaqty polıtsııa avtobýstarymen qorshap, Konstıtýtsııalyq sottyń aınalasynda «vakýýmdyq aımaq» qurý operatsııasyn aıaqtaǵan bolatyn.
Seýl polıtsııasy juma kúni shamamen 14 000 ofıtser ornalastyrýdy josparlap otyr.
Al, ımpıchment jarııalaýdy qoldaıtyndar da, qarsylar da túngi narazylyqtarǵa daıyndalyp jatyr.
Aıta keteıik, Konstıtýtsııalyq sot juma kúni jergilikti ýaqyt boıynsha saǵat 11:00-de (Astana ýaqyty boıynsha 7:00) prezıdent ıÝn Sok Elge ımpıchment jarııalaý isi boıynsha sheshim shyǵaratynyn habarlady.
Osyǵan deıin Ońtústik Koreıanyń Konstıtýtsııalyq soty 4 sáýirde ıÝn Sok Elge ımpıchment jarııalaý isi boıynsha sot sheshimin jarııalaıtynyn habarladyq.