Ońtústik Koreıa paıdalanatyn taǵy bir keme Ormýz buǵazy arqyly ótti
ASTANA. KAZINFORM – Ońtústik Koreıanyń keme qatynasy kompanııasy paıdalanatyn taǵy bir keme daǵdarys aımaǵyna aınalǵan Ormýz buǵazy arqyly sátti ótti. Bul osyndaı ekinshi jaǵdaı boldy, dep habarlaıdy Yonhap agenttigi.
Ońtústik Koreıanyń Muhıttar jáne balyq sharýashylyǵy mınıstrliginiń málimetinshe, áńgime sheteldik tarappen jasalǵan charterlik kelisim boıynsha koreıalyq keme kompanııasy paıdalanatyn gaz tasymaldaýshy keme týraly bolyp otyr. Keme bortynda koreıalyq ekıpajdyń segiz múshesi bar.
Kemeniń ataýy, kompanııa jáne sheteldik frahtaýshy týraly málimetter jarııalanǵan joq. Mınıstrlik bul sheshim koreıalyq júk jóneltýshi men sheteldik frahtaýshy arasyndaǵy konsýltatsııalar qorytyndysy boıynsha qabyldanǵanyn málimdedi.
Sondaı-aq kemeniń Ońtústik Koreıaǵa baǵyt almaǵany habarlandy. Sońǵy oqıǵadan keıin Ormýz buǵazynda qalǵan ońtústikkoreıalyq kemeler sany 25-ten 24-ke, al koreıalyq teńizshiler sany 147-den 139-ǵa deıin azaıdy.
Ótken aıda Ońtústik Koreıanyń HMM keme qatynasy kompanııasyna tıesili Universal Winner munaı tankeri buǵazdan sátti shyǵyp, osyndaı alǵashqy jaǵdaı retinde tirkelgen edi. Bul joly da keme sársenbi kúni Ońtústik Koreıanyń ońtústik-shyǵysyndaǵy Ýlsan port qalasyna jetip, 2 mıllıon barrel shıki munaı jetkizdi.
Eske sala ketsek, Iran Ońtústik Koreıanyń munaı tankerine jasalǵan shabýylǵa qatysy joq ekenin málimdegenin jazdyq.
Sondaı-aq, Iran Ońtústik Koreıanyń munaı tankerine jasalǵan shabýylǵa qatysy joq ekenin málimdedi.
