Ońtústik Koreıa parlamenti prezıdentke ımpıchment jarııalaý úshin daýys berdi

ASTANA. KAZINFORM – Impıchmentke eldiń Ulttyq assambleıasynyń 300 depýtatynyń 204-i qoldaý bildirdi, dep habarlaıdy Kazinform Yonhap aqparat agenttigine silteme jasap. 

Parlamenttiń 85 depýtaty qarsy boldy, taǵy úsheýi qalys qaldy, segiz daýys jaramsyz dep tanyldy. 

Impıchment jarııalaý úshin depýtattardyń keminde úshten eki bóliginiń qoldaýy qajet boldy.

Impıchment týraly sheshim onyń keńsesine jetkizilgennen keıin ıÝn Sok El qyzmetinen bosatylady, al premer-mınıstr Han Dak Sý prezıdenttiń mindetin atqarýshy bolady.

Buǵan deıin Ońtústik Koreıanyń Ulttyq assambleıasy ótken aptada áskerı jaǵdaı engizý áreketine qatysty ıÝn Sok El men jeti sheneýnikti tez arada qamaýǵa alýdy talap etetin qarar qabyldady. 

Sondaı-aq Ońtústik Koreıa parlamenti prezıdent ıÝn Sok Elǵa qatysty aıyptaýlardy tekserý úshin arnaıy prokýror taǵaıyndaý týraly zań jobasyn qabyldady. 

Buǵan deıin Ońtústik Koreıa prezıdentine saparǵa shyǵýǵa tyıym salyndy. Elden shyǵýǵa tyıym salý ıÝn Sok El jarııalaǵan áskerı jaǵdaıǵa baılanysty tergeý amaldary úshin qajet boldy. 

Eske sala ketsek, Ońtústik Koreıanyń prokýratýrasy prezıdentke qarsy memleketke opasyzdyq jasady degen aıyp taǵyp otyr. Ońtústik Koreıanyń burynǵy qorǵanys mınıstri de memleketke opasyzdyq jasady degen aıyppen qamaýǵa alyndy. 

Sonymen qatar Ulttyq jınalys plenarlyq otyrysta Prezıdentke ımpıchment jarııalaý týraly usynysqa daýys saldy. Bıliktegi «Halyqtyq bılik» partııasynyń (HBP) úsh zań shyǵarýshysynan basqasy ımpıchment týraly usynysqa daýys berýge boıkot jarııalady. 

Burynǵy qorǵanys mınıstri Kım En Hen prezıdent ıÝn Sok Elǵa ótken aptada áskerı jaǵdaı engizý arqyly búlik shyǵarýǵa kómektesti degen aıyppen cársenbide resmı túrde qamaýǵa alyndy.