Ońtústik Koreıa ózbekstandyq eńbek mıgranttaryna shekteý qoımaıdy

TAShKENT. KAZINFORM - Áleýmettik jelide Ońtústik Koreıa ózbekstandyq eńbek mıgranttaryna shekteý engizgeni jaıly aqparat tarady, dep habarlaıdy Kazinform agenttigi ÓzA-ǵa silteme jasap. 

Osy máseleniń anyq-qanyǵyn anyqtaý maqsatynda Ózbekstan Respýblıkasy Syrtqy eńbek mıgratsııasy agenttiginiń baspasóz qyzmetiniń jetekshisi Jamolıddın Kalandarov mynany aıtty.

- Qazirgi ýaqytta Ońtústik Koreıadaǵy ekonomıkalyq ózgeristerge baılanysty otandastarymyzdyń jumystan sebepsiz ketip qalý faktileri kóptep tirkelýde. Ókinishke qaraı bir adamnyń qateligi kóptegen adamǵa teris áser etýi múmkin. Nátıjesinde eńbek mıgranttaryna bólinetin kvotalar azaıady, - dedi ol.

Anyqtama úshin aıta keteıik, qazir Ońtústik Koreıada zańsyz júrgen Ózbekstan azamattarynyń sany 9,6 paıyzdy quraıdy. Bul kórsetkish 10 paıyzǵa jetse, el Ózbekstanmen mıgratsııalyq qarym-qatynasyn qaıta qaraýy múmkin. 

Rasynda da 2024 jyly 3 080 Ózbekstan azamaty Ońtústik Koreıaǵa E-9 vızasymen jumys isteýge jiberilgen, bul 2023 jylmen salystyrǵanda aıtarlyqtaı az.

Bul jaǵdaı tek ózbekstandyqtarǵa qatysty emes, basqa elderden kelgender úshin de osyndaı sharalar qolǵa alynyp jatqany atap ótildi. Máselen Nepaldyń bul elge jibergen mıgranttar sany bir jylda 19 758 adamnan 7 081 adamǵa deıin azaıǵan.

Aıta keteıik, jalǵasyp jatqan ekonomıkalyq daǵdarysqa baılanysty Koreıada kóptegen kompanııa ózin bankrot dep jarııalap jatyr. Osyǵan súıene otyryp, agenttik mamandary atalǵan elde jumys isteıtin ózbekstandyqtardy eńbek tártibin saqtaýǵa, kelisimshartta kórsetilgen talaptardy tolyq oryndaýǵa, zańdy buzbaýǵa shaqyrady. 

Qazirgi ýaqytta uıym ilgeriletip jatqan daǵdylar men turaqtylyq baǵdarlamalary joǵaryda atalǵan máselelerdi sheshýge baǵyttalǵan.

Óıtkeni bul saladaǵy bolashaq qarym-qatynastar úshin óte mańyzdy. 

Eske sala keteıik, bıyl Ózbekstanda 200 myń azamat shetelge jumysqa jiberilýi múmkin.