Japonııa men Ońtústik Koreıadaǵy otandastarymyz referendýmda daýys berýdi bastady
ASTANA. KAZINFORM – Shetelde uıymdastyrylǵan referendým ýchaskeleri Seýl men Tokıoda daýys berý úshin ashyldy. Bul týraly elimizdiń Syrtqy ister mınıstrligi habarlady.
Qazaqstan Syrtqy ister mınıstrligi sheteldegi referendým ýchaskelerinde elimizdiń jańa Konstıtýtsııasy boıynsha referendýmde daýys berý barysyn jarııa etý jumysyn bastady.
Sheteldegi barlyq referendým ýchaskeleri Qazaqstannyń dıplomatııalyq ókildikteriniń aýmaqtarynda uıymdastyrylǵan.
Eń birinshi bolyp qazaqstandyqtar Koreıa men Japonııada daýys berýge múmkindigi bar.
Seýlde №422 jáne Tokıoda №425 saılaý ýchaskeleri jergilikti ýaqyt boıynsha saǵat 07.00-de daýys berý úshin birinshi bolyp ashyldy.
– Sheteldegi barlyq referendým ýchaskelerinde daýys berý barysy týraly aqparat bizdiń kanalymyzda júıeli túrde beriletin bolady, – delingen SІM habarlamasynda.
Eske sala ketsek, referendým kúni 54 eldegi Qazaqstan azamattary daýys bere alady.
Al Taıaý Shyǵystaǵy áskerı-saıası jaǵdaıdyń ýshyǵýyna, Ýkraına men Efıopııadaǵy qaýipsizdik deńgeıiniń tómendigine baılanysty 10 eldegi 11 ýchaskeniń jumysyn ýaqytsha toqtatý týraly sheshim qabyldandy.
