Ońtústik Koreıa men Japonııada Quryltaı saılaýyna arnalǵan ýchaskeler ashyldy
ASTANA. KAZINFORM — Quryltaıdyń alǵashqy saılaýynda daýys berýge arnalǵan saılaý ýchaskeleri Ońtústik Koreıa men Japonııada ashyldy. Shetelde júrgen Qazaqstan azamattary alǵashqylardyń biri bolyp daýys berý múmkindigine ıe boldy, dep habarlaıdy Syrtqy ister mınıstrliginiń baspasóz qyzmeti.
Daýys berý múmkindigine alǵashqylardyń biri bolyp Koreıa men Japonııadaǵy qazaqstandyqtar ıe bolady.
Seýlde № 422 jáne Tokıoda № 425 saılaý ýchaskeleri jergilikti ýaqyt boıynsha saǵat 07.00-de daýys berý úshin birinshi bolyp ashyldy.
Qazaqstannan tys jerde ornalasqan barlyq saılaý ýchaskeleri Qazaqstan Respýblıkasynyń dıplomatııalyq ókildikteri aýmaǵynda uıymdastyrylǵan.
Shetelde júrgen Qazaqstan azamattary eldiń dıplomatııalyq ókildikteri janynan qurylǵan saılaý ýchaskelerinde ózderiniń saılaý quqyǵyn paıdalanyp, daýys bere alady.
Eske salsaq, bıyl 1 shildede Memleket basshysy «Qazaqstan Respýblıkasy Quryltaıynyń saılaýyn taǵaıyndaý týraly» Jarlyqqa qol qoıdy.
QR Ortalyq saılaý komıssııasy Quryltaı saılaýyna qatysatyn 7 saıası partııanyń tizimderin tirkedi. 145 depýtattyq mandatqa 545 kandıdat úmitker bolyp otyr.
