Ońtústik Koreıa men AQSh ıadrolyq tejeý kelissózin keıinge qaldyrdy
ASTANA. KAZINFORM – Ońtústik Koreıa men AQSh bastapqyda osy aptada Vashıngtonda ótýi josparlanǵan ıadrolyq tejeý jónindegi negizgi kelissózder men soǵan baılanysty jattyǵýlardy keıinge qaldyrdy, dep habarlaıdy Yonhap aqparat agenttigi.
Seýl men Vashıngton Soltústik Koreıadan tarapynan ıadrolyq jáne zymyrandyq qaýip-qater jaǵdaıynda tejeýdi kúsheıtý sharalary aıasynda sársenbide AQSh astanasynda Nuclear Consultative Group (NCG) tórtinshi otyrysyn ótkizýdi josparlady.
- NCG jınalysy men NCG-Top jattyǵýlary kelesi habarlamaǵa deıin keıinge qaldyryldy. Bizde jańa keste týraly aqparat joq, - dedi AQSh qorǵanys mınıstrliginiń ókili Yonhap agenttigine.
NCG ótken jyly Vashıngton Deklaratsııasy aıasynda Amerıkanyń óziniń odaqtasyn qorǵaý úshin ıadrolyq qarýdy qosa alǵanda, áskerı múmkindikteriniń tolyq spektrin paıdalana otyryp, keńeıtilgen tejeý jónindegi mindettemesine senimdi nyǵaıtý úshin qurylǵan.
Buǵan deıin habarlaǵanymyzdaı, Ońtústik Koreıa prezıdenti ıÝn Sok El halqyna joldaý jasap, elde áskerı tótenshe jaǵdaı jarııalaǵan edi.
Osyǵan oraı Koreıadaǵy Qazaqstan elshiligi qazaqstandyqtarǵa úndeý jasady.
Ońtústik Koreıa prezıdenti ıÝn Sok El halyqqa úndeý jasap, elde buǵan deıin ornaǵan áskerı jaǵdaı rejımin toqtatatynyn málim etti.