Ońtústik Koreıa men AQSh Hyundai kompanııasynyń ustalǵan jumysshylaryn bosatýǵa kelisti

ASTANA. KAZINFORM - Ońtústik Koreıa azamattary AQSh-tan eline charterlik reıspen jetkiziledi, - dep habarlaıdy DW.

- Jyldam jáne úılestirilgen árekettiń nátıjesinde (...) ustalǵan jumysshylardy bosatý týraly kelissózder aıaqtaldy. Tek ákimshilik protsedýralar ǵana qaldy, - dedi prezıdent hatshylyǵynyń jetekshisi Kan Hýn Sık Ońtústik Koreıa telearnasy efırinde.

Eske salaıyq, 6 qyrkúıekte Djordjııadaǵy Hyundai zaýytynda sońǵy jıyrma jyldaǵy eń iri reıd kezinde 475-ke jýyq sheteldik ustaldy. Olardyń kópshiligi – 300-den astam adam – Ońtústik Koreıa azamattary. Seýl Koreıa azamattaryn nysanaǵa alǵan operatsııaǵa baılanysty «alańdaýshylyq pen ókinish» bildirdi.

Jaqynda Ońtústik Koreıa men Amerıka Qurama Shtattary koreıalyq kompanııalardyń amerıkalyq naryqqa shyǵýyn qoldaý úshin iri saýda kelisimine qol qoıdy.

Seýl úkimet «uqsas oqıǵalardyń aldyn alý» úshin Amerıka Qurama Shtattaryna baratyn koreı jumysshylary úshin vıza júıesin jaqsartý joldaryn qarastyratynyn atap ótti.

Hyundai AQSh-qa $21 mlrd ınvestıtsııa salmaq.