Ońtústik Koreıa qoǵamdyq oryndardy kúzetýge tórt aıaqty robottardy qoldanady
ASTANA. KAZINFORM – Ońtústik Koreıa qoǵamdyq oryndar men mańyzdy nysandardyń qaýipsizdigin qamtamasyz etý úshin tórt aıaqty patrýldik robottardy paıdalanýdy josparlap otyr, dep habarlaıdy AJU Press agenttigi.
Koreıanyń Ulttyq polıtsııa agenttiginiń málimetinshe, robottar qoǵamdyq tártipti baqylaýǵa, kúdikti jaǵdaılardy anyqtaýǵa jáne polıtsııa qyzmetkerlerine qoldaý kórsetýge arnalǵan.
Tórt aıaqty robottar adam óte almaıtyn nemese jetýi qıyn aýmaqtarda qozǵalyp, beınebaqylaý kameralary men basqa da sensorlar arqyly aqparat jınaı alady. Olar patrýldeý kezinde alynǵan derekterdi polıtsııaǵa jedel jetkizedi.
Joba aıasynda robottardy qoǵamdyq oryndarda synaqtan ótkizý jáne olardyń jumys tıimdiligin baǵalaý kózdelgen. Bılik jańa tehnologııalar polıtsııa qyzmetkerleriniń júktemesin azaıtyp, azamattardyń qaýipsizdigin arttyrýǵa kómektesedi dep úmittenedi.
Eske sala ketsek, buǵan deıin polıtseılerdiń robot-ıtteri Astananyń qaı aýmaǵynda jappaı iske qosylatynyn jazdyq.
