Ońtústik Koreıa Qytaıdan keletin týrıster úshin ýaqytsha vızasyz rejım engizdi

ASTANA. KAZINFORM – Ońtústik Koreıa 2025 jyldyń 29 qyrkúıeginen 2026 jyldyń maýsymyna deıin Qytaıdan keletin týrıstik toptarǵa vızasyz kirýdi qamtamasyz etedi. Bul is-shara Azııa-Tynyq muhıty sammıti (ATES) qarsańynda sheteldik týrıster aǵynyn arttyrý maqsatynda qolǵa alyndy, dep habarlaıdy Kazinform Reuters agenttigine silteme jasap. 

Koreıa Respýblıkasynyń Týrızm mınıstrligi Qytaıda qazan aıynyń basynda demalys kezeńi bastalǵanǵa deıin vızasyz rejımdi engizý týraly sheshim sheteldik týrıster aǵyny qalpyna kelgen kezde ekonomıkany yntalandyrýǵa baǵyttalǵanyn aıtty. 

Bul týraly Ońtústik Koreıada qazannyń 31-i men qarashanyń 1-i aralyǵynda Kendjý qalasynda ótetin APEC halyqaralyq forýmy qarsańynda týrızm salasyn qoldaý jónindegi keńesten keıin habarlandy. 

Vızasyz kirý týraly jańalyqtardyń aıasynda ońtústikkoreıalyq ámbebap dúkenderdiń, kazınolardyń, qonaqúılerdiń jáne kosmetıka óndirýshileriniń aktsııalary ósti. Atap aıtar bolsaq, Hyundai ámbebap dúkeni 7,1%-ǵa, Hotel Shilla 4,8%-ǵa, kazıno operatory Paradise 2,9%-ǵa jáne kosmetıka óndirýshisi Hankook Cosmetics 9,9%-ǵa ósti. 

Eske salaıyq, vızasyz kirý usynysy alǵash ret naýryz aıynda Qytaı 2024 jyldyń qarashasynda Ońtústik Koreıa azamattary men basqa da birqatar eldiń týrısterin vızadan bosatqannan keıin jarııalanǵan bolatyn. 

Buǵan deıin habarlaǵanymyzdaı, Ońtústik Koreıaǵa kelgen týrıster sany bıyl 20 mıllıonnan asady dep kútilip otyr.