Ońtústik Koreıa KHDR áskerine qarsy eskertý retinde oq atty

ASTANA. KAZINFORM – Soltústik Koreıa áskerıleri shekarany kesip ótkennen keıin Ońtústik Koreıa sarbazdary olarǵa qarsy eskertý retinde oq atty, dep habarlaıdy Yonhap aqparat agenttigi. 

Soltústik Koreıanyń bir top áskeri jergilikti ýaqyt boıynsha saǵat 12:30 shamasynda shekaranyń ortalyq bóliginde eki Koreıany bólip turǵan qarýsyzdandyrylǵan aımaqtaǵy áskerı demarkatsııa syzyǵyn kesip ótti.

Daýys zoraıtqysh jáne eskertý oqtarynan keıin Soltústik Koreıa áskerıleri shekaranyń óz jaǵyna oraldy.

Eldiń Birikken Shtab bastyqtary komıtetiniń habarlaýynsha, eskertý oqtary atylǵannan keıin «erekshe áreket bolǵan joq».

Aqparatty Yonhap seriktes agenttigi Kazinform úshin arnaıy usyndy.