Ońtústik Koreıa KHDR-men dıalogke ashyq

ASTANA. KAZINFORM - Koreıa Respýblıkasynyń basshylyǵy KHDR-men dıalog arnalaryn jappaıdy, biraq Phenıannyń arandatýshylyǵyn da jaýapsyz qaldyrmaıdy. Bul týraly Ońtústik Koreıa prezıdentiniń mindetin atqarýshy Chhve San Mok málim etti, dep jazady Yonhap.

- Biz shıelenisti retteýge belsendi túrde umtylamyz, ásirese shekaralar aımaqtarda jaǵdaıǵa ýshyqtyrmaýǵa kúsh salamyz. Bul rette biz koreıaaralyq dıalogqa ashyq bolyp qala beremiz, jaǵdaı ózgerse birden áreket etemiz, - dedi Ońtústik Koreıa prezıdentiniń mindetin atqarýshy Chhve San Mok ultty qaýipsizdik salasynyń basty ókilderimen kezdesý barysynda.

Ol sondaı-aq AQSh-tyń myqty qorǵanysy men alıansyna arqa súıeı otyryp, QHDR tarapynan jasalatyn arandatýlarǵa naqty jaýap berý kerektigin atap ótti.

14 qańtarda Ońtústik Koreıa prezıdentiniń mindetin atqarýshy Phenıannyń qysqa qashyqtyqtaǵy ballıstıkalyq zymyran ushyrýyn aıyptady.

Osyǵan deıin Soltústik Koreıanyń birneshe ballıstıkalyq zymyran ushyrǵany týraly jazdyq.