Ońtústik Koreıa Aıda baza turǵyzǵysy keledi

ASTANA. KAZINFORM — Ońtústik Koreıa 2045 jylǵa deıin turaqty Aı bazasyn qurýǵa nıetti ekenin málimdedi, dep habarlaıdy The Korea Times. 

Eldiń KASA ǵarysh agenttigi jol kartasyn usyndy, oǵan sáıkes el 2045 jylǵa deıin Aıda logıstıkalyq jáne ekonomıkalyq baza qurady. Josparǵa aı modýli, kólik júıeleri, resýrstardy damytý jáne ınfraqurylym qurylysy kiredi.

1960-1970-jyldardaǵy ýaqytsha mıssııalardan aıyrmashylyǵy, jańa ekpin «týlar men izderge» emes, turaqty ınfraqurylymǵa baǵyttalǵany atap ótildi.

KASA sonymen qatar 2035 jylǵa deıin Kún men Jerdiń gravıtatsııalyq kúshteri teńesken Lagrange L4 núktesine kúndi baqylaý jasandy jer serigi mıssııasyn ushyrýdy josparlap otyr.

2030 jylǵa deıin – tuńǵysh ulttyq astronomııalyq jer serigi ushyrylady;

2040 jylǵa deıin – Aıǵa qoný modýli jiberiledi;

2045 jylǵa deıin — turaqty aı bazasy qurylady.

Eske sala keteıik, osyǵan deıin 4 adam mert bolǵan nóser jaýynnan Ońtústik Koreıaǵa taǵy da qaýip tóndi.