Ońtústik Koreıa AQSh-ty mańyzdy mıneralmen qamtamasyz etedi

ASTANA.KAZINFORM - Ońtústik Koreıa taýlaryndaǵy Sangdong kenishi - álemdegi eń iri volfram ken oryndarynyń biri, ol AQSh-qa qorǵanys qajettilikteri úshin aýadaı qajet, dep habarlaıdy CBS News.

Almonty Industries taý-ken kompanııasy 30 jyldan astam ýaqyt buryn jabylǵan kenish jumysyn qaıta jandandyrdy.

Almonty Industries kompanııasynyń bas dırektory Lıýıs Blek Ońtústik Koreıa «AQSh-tyń ulttyq qaýipsizdigi úshin qajetti» volframǵa suranysty qanaǵattandyra alady dep sanaıdy.

Blektiń aıtýynsha, jańa jyldan keıin kenish tolyq qýatyna jetkesin jylyna 1,2 mıllıon tonna volfram óndiredi, bul AQSh-ty aldaǵy on jylǵa jetetin volfram jetkizilimimen qamtamasyz etedi.

Volfram «áskerı metall» dep atalady, sebebi ol óte joǵary temperatýraǵa tótep bere alady. Ol tankter, joıǵysh ushaqtar, saýyt tesetin oq-dáriler, býnkerdi jaratyn bombalar jáne jasandy ıntellektpen jumys isteıtin zymyrandardy basqarý júıelerin óndirýde qoldanylady.

Buǵan deıin AQSh prezıdenti Donald Tramp Alıaskada mys pen myrysh óndirisin arttyrýdy maquldaǵany habarlanǵan bolatyn.