Ońtústik Koreıa adam tektes robot shyǵaratyn aýqymdy jobany iske qospaqshy
ASTANA.KAZINFORM — Ońtústik Koreıa aldaǵy bes jylda jasandy ıntellektpen jumys isteıtin gýmanoıd robottar jasaý úshin qajetti negizgi tehnologııalar ázirleýge 50,4 mıllıard von (33,5 mıllıon dollar) ınvestıtsııa salady, dep habarlaıdy Yonhap.
Koreıanyń ozyq ǵylym jáne tehnologııa ınstıtýty basqaratyn jáne 2030 jylǵa deıin sozylatyn baǵdarlama úkimettiń bıyl jarııalanǵan «K-Moonshot» bastamasynyń bóligi, ol jasandy ıntellektti ǵylymı-tehnıkalyq zertteýler men ázirlemelerge biriktirýdi maqsat etedi.
Osy jobanyń aıasynda LG Electronics Inc. jáne jergilikti WIRobotics startapy jappaı óndirýge bolatyn ozyq robottyq platformalar men gýmanoıdty robot modelderin ázirleıdi.
Іri jergilikti ýnıversıtetterdi qosa alǵanda, ǵylymı-zertteý ınstıtýttary jasandy ıntellekt modelin ázirleýge qatysady.
Osylaısha, Ońtústik Koreıa jasandy ıntellektpen jumys isteıtin gýmanoıd robottardyń álemdik naryǵynda jetekshi orynǵa jetý úshin kúsh-jigerin eki esege arttyrýdy kózdep otyr.
Gýmanoıdty robottar aýrýhanalarda jáne basqa da emdeý mekemelerinde adamdardy qoldaý úshin qajetti uzaq merzimdi jáne kúrdeli tapsyrmalardy oryndaý qabiletin baǵalaý úshin synaqtan ótkiziledi.
Buǵan deıin Beıjińde gýmanoıdty robottyń jartylaı marafonda adamnan jyldam júgirgeni habarlanǵan.
