Ońtústik Koreıa 2027 jyldan bastap mınıstrlikterdi Seýlden kóshire bastaıdy
ASTANA. KAZINFORM –
Ońtústik Koreıa Seýldegi birqatar mınıstrlik pen memlekettik mekemeni ákimshilik ortalyq Sedjon qalasyna kóshirý jónindegi aýqymdy jospardy jarııalady, dep habarlaıdy Yonhap.
Alǵashqy kóshirý jumystary 2027 jyly bastalyp, óńirlerdiń teńgerimdi damýyna baǵyttalǵan strategııanyń bir bóligi bolmaq.
Úkimettiń málimetinshe, Ádilet mınıstrligi men Genderlik teńdik máseleleri jónindegi mınıstrlik kelesi jyldyń birinshi jartysynda Sedjon qalasyna kóshiriledi. Qala Ońtústik Koreıa astanasynan shamamen 110 shaqyrym ońtústikte ornalasqan.
Premer-mınıstr Han Son Sýk vedomstvolardy kóshirý memlekettik basqarý fýnktsııalarynyń astanada shoǵyrlanýyn azaıtý jolyndaǵy mańyzdy qadam bolatynyn atap ótti. Onyń aıtýynsha, 2029 jylǵa qaraı Sedjonda Prezıdent keńsesi, al 2030 jylǵa qaraı Ulttyq jınalys zaly salynyp bitedi.
Іshki ister mınıstri ıÝn Ho Chjýn kóshiriletin vedomstvolardyń túpkilikti tizimi jyl sońyna deıin belgili bolatynyn habarlady. Syrtqy ister mınıstrligin de kóshirý múmkindigi qarastyrylyp jatyr.
Baǵdarlama bastalǵan 2012 jyldan beri Sedjonǵa Premer-mınıstr keńsesin qosa alǵanda, 44 memlekettik uıym kóshirildi. Aldaǵy jyldary taǵy 350 mekemeni kóshirý josparlanǵan. Sonymen qatar fýnktsııalardy biriktirý jáne reformalar nátıjesinde memlekettik qurylymdardyń sany 109-ǵa qysqarady.
— Biz memlekettik mekemelerdi jańa syn-qaterlerge saı bolatyndaı etip reformalap jatyrmyz, — dedi Han Son Sýk.
Onyń aıtýynsha, keıbir vedomstvolar zańnamaǵa ózgeris engizýdi qajet etpeı-aq, josparlaryn birden júzege asyra bastaıdy.
Buǵan deıin Qazaqstan men Ońtústik Koreıa aqparattyq qaýipsizdik jáne jasandy ıntellekt baǵyttary boıynsha qos dıplom baǵdarlamasyn iske qosatyny habarlanǵan.
Aıta ketelik Ońtústik Koreıa úkimetinde iri kadrlyq ózgeris bolatyny týraly jazǵan edik.
