Ońtústik Qazaqstan ýnıversıtetine erekshe mártebe berilýi múmkin

ASTANA. KAZINFORM — Úkimet M. Áýezov atyndaǵy Ońtústik Qazaqstan ýnıversıtetine aıryqsha mártebe berý máselesin qarap jatyr.

— Ýnıversıtetke erekshe mártebe berý maqsatynda Ǵylym jáne joǵary bilim mınıstrligi QR Prezıdentiniń 2001 jylǵy 5 shildedegi № 648 «Joǵary jáne (nemese) joǵary oqý oryndarynan keıingi bilim berý uıymdaryna erekshe mártebe berý týraly» Jarlyǵyna ózgerister men tolyqtyrýlar engizý týraly Úkimet qaýlysy jobasyn ázirledi. Qazirgi ýaqytta bul joba múddeli memlekettik organdarmen maquldanyp jatyr, — dep jaýap berdi Premer-mınıstrdiń orynbasary E. Kósherbaev depýtat saýalyna.

Sonymen birge, jaýapta ýnıversıtetke erekshe mártebe berý 2025-2027 jyldarǵa respýblıkalyq bıýdjetten qosymsha shyǵyndardy qajet etetini aıtylǵan. Sondyqtan bul másele respýblıkalyq bıýdjet múmkindikterin eskere otyryp, zańnamada belgilengen tártippen qaralatyn bolady.

Aıta keteıik, «Ashyq NQA» portalynda Ǵylym jáne joǵary bilim mınıstrliginiń Tuńǵysh Prezıdent — Elbasy atyndaǵy Ulttyq qorǵanys ýnıversıtetiniń ataýyn ózgertýge arnalǵan qaýly jobasy talqylanyp jatyr.