Ońtústik Kalıfornııada órt shyǵý qaýpi joǵary aýa raıy boljandy

ASTANA. KAZINFORM – AQSh-tyń Ulttyq meteorologııalyq qyzmetiniń /NWS/ habarlaýynsha, Ońtústik Kalıfornııada dúısenbiden seısenbige deıin órt shyǵý qaýpi joǵary aýa raıy boljanyp otyr, dep jazdy Sınhýa aqparat agenttigi. 

Dúısenbide munda Santa-Ana jeli qaıta soǵyp, seısenbige deıin jalǵasady dep boljandy.

NWS málimetinshe, aımaqta jeldiń ekpini 100 mılge deıin jetýi múmkin. 

Dúısenbi boıy teńizden soǵatyn jel de kúsheıýi yqtımal. 

Meteorologııalyq agenttik jergilikti turǵyndardy tótenshe jel men órt shyǵý qaýpi joǵary kún raıynyń kezekti kezeńine daıyndalyp, habardar bolyp, tótenshe jaǵdaılar qyzmetiniń nusqaýlaryn oryndaýǵa shaqyrdy.

Eske sala keteıik, buǵan deıin Kalıfornııadaǵy órtke baılanysty 200 myńǵa jýyq adamǵa qaýip tónip turǵanyn jazǵan edik.