Ońtústik Afrıkanyń ulttyq parkinde joǵalyp ketken eki týrıstiń denesi tabyldy
ASTANA. KAZINFORM — Ońtústik Afrıka ulttyq parkter basqarmasy taratqan málimdemede eki týrıstiń máıiti eldiń soltústik-shyǵysyndaǵy Krıýger ulttyq parkiniń Pafýrı aımaǵynan tabylǵan, dep habarlaıdy Anadoly.
Málimdemede izdestirý jumystary 21 mamyr, beısenbi kúni keshke lager qyzmetkerleri týrısterdiń qaıta oralmaǵanyn baıqaǵannan keıin bastalǵany aıtylǵan.
Іzdeý jumystary 22 mamyr, juma kúni de jalǵasqan. Búgin eki týrıstiń denesin ózge saıahatshylar ózen mańynan tapqany habarlandy.
SANPARKS uıymynyń baspasóz hatshysy Dj. P. Laýv qaza tapqan týrısterdiń Ońtústik Afrıka azamattary bolǵanyn málimdedi. Onyń aıtýynsha, týrıster mingen kólik oqıǵa ornynan tabylmaǵan. Qazir polıtsııa men park qyzmetkerleri oqıǵany tergeý úshin birlesip jumys júrgizip jatyr.
Krıýger ulttyq parki tarıhyndaǵy alǵashqy oqıǵa
Ońtústik Afrıkanyń orman sharýashylyǵy, balyq sharýashylyǵy jáne qorshaǵan orta mınıstri Ýıllı Aýkamp bul jaǵdaıdyń Krıýger ulttyq parki tarıhyndaǵy alǵashqy oqıǵa ekenin málimdedi. Qaza tapqan týrısterdiń týystaryna habar berilgen. Ońtústik Afrıka ulttyq parkter basqarmasy otbasylarǵa Lımpopoǵa jetý, turý jáne máıitterdi tasymaldaý shyǵyndaryn óteýge kómek kórsetedi.
Qaza tapqandardyń otbasylaryna qurmet bildirý jáne tergeý jumystaryna kedergi keltirmeý maqsatynda ázirge basqa málimdeme jasalmaıdy.
Krıýger ulttyq parkiniń Pafýrı bóligi parktyń eń soltústik aımaǵynda, Lývývý ózeni men Lımpopo ózeni túıisken jerde, Mozambık pen Zımbabve shekarasyna jaqyn ornalasqan.
Aıta keteıik, Úndistannyń Karnataka shtatynda safarı-parkte pil týrıst áıeldi taptap óltirdi.
