Ońtústik Afrıkada avtobýs apatqa ushyrap, 16 adam kóz jumdy
ASTANA. KAZINFORM — Ońtústik Afrıka Respýblıkasynyń Batys Keıp provıntsııasyndaǵy Toýsrıfır qalasyna jaqyn mańdaǵy tas jolda avtobýs aýdarylyp, 16 adam kóz jumdy, dep habarlaıdy BelTA.
Batys Keıp provıntsııasynyń kólik departamentiniń málimetinshe, jol apaty beısenbi kúni tańǵy saǵat 00:40 shamasynda tirkeldi. Avtobýsta Ońtústik Afrıkanyń 73 azamaty bolǵan.
«Qaıǵyly oqıǵa saldarynan 16 adam kóz jumdy, taǵy eki adam aýyr jaraqat aldy», – delingen departament taratqan habarlamada.
Qazirgi ýaqytta oqıǵa ornynda tótenshe jaǵdaılar qyzmetiniń mamandary jumys istep, zardap shekkenderge kómek kórsetip, apattyń saldaryn joıýmen aınalysyp jatyr.
Qutqarý jáne evakýatsııa jumystarynyń jalǵasýyna baılanysty tas joldyń apat bolǵan bóliginde kólik qozǵalysyna ýaqytsha shekteý engizildi.
Aıta keteıik, Túrkııada týrıster mingen avtobýs apatqa ushyrap, 4 adam mert boldy.
