Ońtústik Afrıka men Qytaı ǵalymdary sırek kezdesetin gaýhartastardyń qupııasyn ashty
ASTANA. KAZINFORM – Ońtústik Afrıka men Qytaı ǵalymdary sırek jáne qymbat CLIPPIR gaýhartasy, onyń ishinde áıgili «Kýllınannyń» shyǵý tegin anyqtady, dep habarlaıdy BRICS TV.
Zertteýshilerdiń pikirinshe, osy iri ári minsiz taza asyltastyń shyǵý tegi uzaq ýaqyt ǵylymı jumbaq bolyp kelgen. Mamandar jumys barysynda tereń jerden almaz shyǵaratyn kımberlıtterde kezdesetin olıvın mıneralynyń hımııalyq quramyn zerttedi.
Ǵalymdar anyqtaǵandaı, mundaı baǵaly tastar lıtosferanyń túbindegi, 150 shaqyrymnan tereńirek temirge baı mantııa aımaqtarynda qalyptasady. Sol jerde ekstremaldy 11 GPa-dan asatyn qysym jaǵdaıynda iri jáne taza krıstaldardyń ósýine qolaıly jaǵdaılar jasalady. Kımberlıt balqymalary temirge baı aımaqtar arqyly ótip, olıvın men granattyń túzilýine yqpal etedi, al ızotoptyq taldaý bul aımaqtardyń ejelgi tektonıkalyq protsester men batyrylǵan muhıt qabatymen baılanysy bar ekenin kórsetedi.
Zertteýshilerdiń aıtýynsha, bul jańalyq sırek jáne qundy almaz ken oryndaryn tabýda tastardyń hımııalyq joldaryn zertteý arqyly izdeýdi dálirek jasaýǵa kómektesýi múmkin.
Buǵan deıin elimizde jer qoınaýyn paıdalanýshylar byltyr ǵylymı zertteýge 8,9 mlrd teńge baǵyttaǵanyn jazǵan bolatynbyz.
